Нийслэлийн боловсролын газраас нэгдүгээр ангид элсэх зургаан настнуудын сургуулийн бүртгэлийг наймдугаар сарын сүүлээр хийх чиглэлийг ерөнхий боловсролын сургуулиудад өгчээ. Тодруулбал, наймдугаар сарын 22-28-ны хооронд бүртгэл явагдах юм байна.

Одоогоор Улаанбаатар хотын хэмжээнд хэчнээн зургаан настан ерөнхий боловсролын сургуульд элсэж орох нарийн тоог гаргаагүй байгаа бөгөөд судалж буй гэнэ.