МАН-ын Удирдах зөвлөл өнөөдөр /2025.11.24/ хуралдаж УИХ-ын гишүүн, Хүнс хөдөө аж ахуй хөнгөн үйлдвэрийн сайд Ж.Энхбаярыг Эдийн засаг, хөгжлийн сайдаар, УИХ-ын гишүүн М.Бадамсүрэнг Хүнс хөдөө аж ахуй хөнгөн үйлдвэрийн сайдад нэрийг нь дэвшүүлж дэмжжээ.

Хүнс хөдөө аж ахуй хөнгөн үйлдвэрийн сайд Ж.Энхбаярыг Эдийн засаг, хөгжлийн сайдаар, Эдийн засаг, хөгжлийн сайд Н.Учрал УИХ-ын даргаар сонгогдсон. Тиймээс түүний оронд Ж.Энхбаярыг томилохоор болжээ.

Харин Хүнс хөдөө аж ахуй хөнгөн үйлдвэрийн сайдаар УИХ-ын гишүүн Бадамсүрэнг томилохоор болсон байна. Тэрбээр аймгийн Засаг даргаар 9 жил, удирдлагын багт 11 жил ажиллажээ.

Засгийн газрын гишүүнийг томилж чөлөөлөх бүрэн эрх Ерөнхий сайдад байдаг бөгөөд УИХ-д танилцуулснаар томилдог. Тиймээс энэ долоо хоногт дээрх сайд нарыг УИХ-д танилцуулах юм байна.