"Ийм нэгэн дурлал" киноны Бүжингийн дүрээр олны танил болсон залуу жүжигчин Б.Баярмааг танихгүй хүн байхгүйгээ. Өдгөө гурван охины ээж болсон тэрбээр үе үехэн шинэ дэлгэцийн бүтээлээрээ тэсрэлт хийдэг.

Түүний талаар шар хэвлэлд Багануурын миссийн тэмцээнд орж тэргүүн байрыг эзэлж титмийн эзэн болж байсан тухай бичсэн байдаг. Тэгвэл жүжигчин бүсгүй мисс тэмцээнд ганц ч удаа орж байгаагүй бөгөөд Багануурт зохиогддог тэмцээнийг ямар гоё юм бэ гээд шимтэн үздэг байсан гэдгээ олон нийтэд албан ёсоор залруулга хийлээ.