Багаасаа урлагт хөл тавьсан уран бүтээлчдийн нэг бол  яах аргагүй “Гурван охин". Тус хамтлагийн бүсгүйчүүд одоо жинхэнэ од болон гялалзаж, зөвхөн дуу гэлтгүй кино урлагт ч хүчээ сориод амжсан. Байгуулагдаад 15 жилийг үдсэн ч 2008 оноос эхлэн олонд танигдах болсноор “Гурван охин” чамлахааргүй амжилтанд хүрсэн гэдэг.  Нэгэн цагт гавьяат жүжигчин Т.Ариунаа, Ж.Алтанцэцэгийн ард хоолой хийж дуулдаг байснаа бие даан уран бүтээл хийхээр шийдсэн гэх энэ гурван бүсгүй элдэв хэл аманд орооцолдоод байдаггүй. Ялангуяа уг хамтлагийн дуучин Х.Ану тун ч нууцлаг нэгэн бөгөөд янз бүрийн дуулиан шуугиан тарьж, сайн муу нэр зүүх нь ховор.

Дуучин бүсгүй “Victoria’s secret” фирмийн дотуур хувцас цуглуулж, гоо сайхандаа ихэд анхаардаг билээ.  “Armani”, “D&G”, “Dior”, “Bulgari”, “Escada”, “Diesel” фирмийн сүрчиг хэрэглэх дуртай царайлаг бүсгүй.

"Усны гүнж” гэгддэг “Акуа фитнесс” төвийн захирал Б.Уянга рок попын бүсгүйчүүдээс дуучин Ж.Солонго буюу Соко, “Гурван охин” хамтлагийнхантай тун ч дотно нөхөрлөдөг.

Тиймээс “Усны гүнж” маань өөрийнхөө төвийг их бага хэмжээгээр сурталчлаад авахаа даанч сайн мэднэ. Энэ ч утгаараа, нэлээд хэдэн жилийн өмнөөс эхлэн “Гурван охин” хамтлагийн гоолиг сайхан бүсгүйчүүдийг “Акуа фитнесс” төвийн сурталчилгаандаа тоглуулах болсон. 

Тэгвэл энэ удаа хамтлагийн гишүүн дуучин Х.Ану тус төвийг сурталчилсан бөгөөд Сологоос дутахааргүй дур булаам, эрчүүдийн харцыг эрхгүй татах тачаангуй байдлаар зураг авахуулжээ.

Хамтлагийн бүсгүйчүүдээс фэнүүдийнхээ дунд яахын аргагүй хамгийн халуухан нь хэмээн үнэлэгддэг дуучин Х.Анугийн хувийн зурагнаас уншигчиддаа хүргэж байна.

Д.Ана