2017.05.31 / БИЛГИЙН ТООЛЛЫН 6

ЗУНЫ ТЭРГҮҮН ХӨХӨГЧИН МОГОЙ САРЫН ДӨРВӨН

НОГООН МЭНГЭТЭЙ ШАР МОРЬ ӨДӨР

Үс засуулбал: Өнгө зүс сайжирна

Наран ургах, шингэх: 05.09-20.38

Барилдлага: Рашаан

Шүтэн барилдлага: Сансар

Суудал: Төмөр

Аргын тооллын 5 сарын 31, Буд гараг. Билгийн тооллын 6, Үнэг одтой, шар морь өдөр. Өдрийн наран 5 цаг 09 минутад мандан, 20 цаг 38 минутад жаргана.

Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лусыг тахих, тангарагаа буцаахад сайн. Гэр бүрэх, хэрүүл тэмцэл хийх, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой.

Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.