Украины ерөнхий сайд асан Юлия Тимошенког баасан гаригт парламентын санал хураалтаар суллахыг нь зөвшөөрсөн билээ. Тэгвэл  сулагдаад удаагүй, олон хоног өлсгөлөн зарлаж сульдсан  Юлия Тимошенко тэргэнцэр дээр суусан байдалтайгаар Киев хотын төв талбай дахь жагсагчидтай уулзаж, Майденд очиж хүмүүсийн үхлийн буруутанг хамгийн хатуу шүүх ёстой гэж уриаллаа.Тодруулбал, Юлия Тимошенко Виктор Януковичыг эсэргүүцсэн тэмцлээ зогсоож болохгүй гэдгийг жагсагчдад санууллаа.

“Зорилгодоо хүрэх хүртлээ хэн нь ч эндээс битгий яваарай. Өнөөдрөөс Украинчуудыг дарангуйлж байсан дарангуйлагч Виктор Януковичийн төгсгөл ирнэ.  Та бид энэхүү “хорт хавдрыг” эдгээж нийгмээ улсаа өөрчилж чадна. Тэр хүртэл хамтдаа тэмцэцгээе” хэмээн уриалж байлаа.  

А.Баярмаа