Цагдаагийн байгууллагад энэ оны 03 дугаар сарын 08-ны өдрийн 17 цаг орчимд Сонгинохайрхан дүүргийн нутаг дэвсгэрт “Эмээлтийн товчоон дээр янгирын 2 шуудай эвэр тээвэрлэж явсан тээврийн хэрэгслийг саатууллаа” гэх дуудлага, мэдээлэл бүртгэгдсэн байна. 

Дуудлага, мэдээллийн дагуу тус дүүргийн цагдаагийн газрын 1 дүгээр хэлтсийн алба хаагчид шалгахад 32 настай эрэгтэй “Ж” нь тээврийн хэрэгсэлдээ 2 шуудай янгирын эвэр тээвэрлэж явсныг илрүүлэн гомдол мэдээллийг шалгаж байна.

Иймд иргэн та хууль бусаар ан агнахгүй, тэдгээрийн гаралтай түүхий эдийн зүйлийг хадгалахгүй, худалдахгүй, худалдан авахгүй, тээвэрлэхгүй байхыг цагдаагийн байгууллагаас анхааруулж байна.