Голын хамгаалалтын бүсэд олгогдсон байршилд “Акуа Гарден” хорооллын хоёр блокийг барьсан гэж үзэж, нураах захирамж гаргасан ч одоог болтол нураах нь байтугай баригдаж дуусаж буй.

“Акуа Гарден” хорооллын хоёр барилгын талаар өнөөдөр НЗДТГ-ын дарга Д.Амгалан "Нийслэлийн Засаг даргын гаргасан хорооллын барилгыг албадан буулгах захирамжийг шүүгчийн захирамжаар түтгэлзүүлсэн.

Авлига хороолол гэгддэг "Акуа гарден" хороололтой холбоотой шүүхийн маргаан хуулийн хугацаанд шийдвэрлэгдэхгүй байгаа. Нийслэл дэх Захиргааны хэргийн шүүх өнөөдрийг хүртэл хэргийг шийдэхгүй байгаа мөртлөө Нийслэлийн Засаг даргын захирамжийг түтгэлзүүлсэн.

Үер усны улмаас хохирол гарвал хууль бус үйл ажиллагаа явуулж байгаа хуулийн этгээд хариуцах ёстой. 

Зөвшөөрөлгүй, зөвшөөрөл нь түтгэлзсэн барилга дээр Улсын комисс ажилладаггүй хуультай. Улсын комисс ажиллахгүй учраас уг барилгад үл хөдлөх хөрөнгийн гэрчилгээ гарахгүй, таны албан ёсны өмч хөрөнгө болж чадахгүй гэдгийг иргэдэд анхааруулъя" гэв.