УИХ-ын гишүүн Ч.Лодойсамбуу:

-Ардчилсан намын ҮБХ-ны хуралдаан үргэлжилж байна. Өнөөдөр намын дүрмээ батална. Шинэ даргаа сонгоно. Хуралдааны эхэнд намын дарга Л.Гантөмөр өөрийн хүсэлтээр албан тушаалаа хүлээлгэн өгөх өргөдлөө уншиж танилцуулсан. Одоо дараагийн намын даргыг сонгох товыг баталж, бүрэлдэхүүнийг батлах гэж байна.

 Ардчилсан намын даргад миний бие болон УИХ-ын гишүүн Л.Мөнхбаясгалан нар нэр дэвших боломжгүй болж байна. Намын даргад "(ҮБХ, ҮЗХ)-ээр 4-өөс доошгүй жил ажиллаж байсан гишүүн байна" гэсэн заалтыг баримтлахаар боллоо. 

Нэр дэвшүүлсэнгүй гэдэг дээр үг хэлэхийг хүсэхгүй байна. Бид эвлэж нийлж байгаад шинэ дүрмээ бүртгүүлэх ёстой. Шинэ даргатайгаа ялалтын төлөө явах ёстой. 

Нэр дэвшиж байгаа журмын нөхдөдөө амжилт хүсье. Хэн нь ч намын дарга болсон хамтран ажиллахад бэлэн байна. Ирэх ерөнхийлөгч, их хурал, орон нутгийн сонгуульд оролцож ялалт байгуулж байж Монголын төр төр шиг болно гэв.