МАН-ын Удирдах зөвлөлийн хурлаас гарсан шийдвэрийг танилцууллаа.

Я. Содбаатар “Монгол улсын нийгэм эдийн засагт, Ойрх Дорнодод үүсээд буй асар их хямрал, хүндрэлийн талаар, нөгөө талдаа парламентын түвшинд төрийн үйл ажиллагаа гацаж байгаа асуудлын талаар УИХ дахь МАН-ын бүлэгт яригдсан асуудлыг намын удирдах зөвлөл олон талаас нь авч хэлэлцэж тодорхой шийдлүүдийг гаргалаа.

Энэ үеэр Ерөнхий сайд Г.Занданшатар МАН-ын удирдах зөвлөлд Монгол улсын Ерөнхий сайдаас өөрийн хүсэлтээр чөлөөлөгдөх өргөдлөө өглөө. Үүнийг авч хэлэлцэж, Ерөнхий сайдын, Монгол төрийн үйл ажиллагааг хэвийн явуулах, дэлхий нийтийн өмнө тэр тусмаа Монгол улсын ард иргэд, Монгол улсын өмнө тулгамдаж байгаа эдийн засгийн нь гүн хямрал, хүндрэлийн үед эр зориг гаргаж, улс орныхоо төлөө гаргаж байгаа хүсэлтийг нь хүлээж авах нь зүйтэй гэж үзсэн.

Эхлээд Ерөнхий сайдын чөлөөлөгдөх асуудлыг авч хэлэлцэнэ. Үүний дагуу парламент шийдвэрээ гаргана. Парламент шийдвэр гаргасны дараа МАН эрх баригч улс төрийн хүчний хувьд Намын Бага хурлаа зарлан хуралдуулна. Тэндээс шинэ Ерөнхий сайдын нэр тодрох ёстой” гэв.