БНХАУ-ын Жиашин хотын оршин суугч, 34 настай Зан гэх бүсгүй нөхөр болон хадам ээждээ хорсон хүүгийнхээ хоолойг хэрчсэн аймшигт хэрэг гарчээ.

Тодруулбал Зан бүсгүй 2010 онд гэрлэлтээ цуцлуулсан бөгөөд тухайн үед хүүхдийг нь тус улсын хуулийн дагуу аавд нь өгчээ.  Түүний нөхөр Ши нь хүүхдээ өөр дээрээ авсан ч экс эхнэрээ гэртээ 6 сар байлгасны дараагаас хөөж эхэлсэн байна. Өнгөрсөн хугацаанд Зан бүсгүй үйлдвэрт ажиллаж, хүүтэйгээ ойр байх гэж нөхрийнхөө гэрийн гадна, орц хонгил, машины сэг зэрэг хоног төөрүүлж болох бүхий л газар хонож байжээ.  Түүнтэй хамт хааяа хүү нь хонодог байсан гэнэ. Хэрэг гарах хүртэл бүсгүйг экс нөхөр нь ээжтэйгээ нийлж байнга дарамталдаг байсан бөгөөд үргэлж хэрүүлтэй байжээ.  Харин хэрэг гардаг өдөр бүсгүй амиа хорлохоор шийдэж хүүгээ эцсийн удаа харахаар цэцэрлэгээс нь авсан байна. Улмаар амиа хорлох гэж байхад нь хүү нь болиулжээ. Өөрийг нь болиулах гэж оролдсон хүүгийнхээ хоолойг хэрчин Зан бүсгүй өөрийнхийгөө мөн жимсний хурц хутгаар хэрчээ
Хэдийгээр хүү хоолойгоо хэрчүүлж цус алдаж байсан ч амиа хорлох гэж буй ээжийгээ болиулах гэж хурц хутганд цөөнгүй шарх алдсан байна. Ээж хоёрын энэхүү үйлдлийг харсан Хятадууд түргэн, цагдаа дуудаагүй бөгөөд тэднийг  Зан бүсгүй өөрөө дууджээ. Улмаар бүсгүй “Би үхэж байна. Хүү чинь аль хэлийн үхсэн” гэж нөхөр рүүгээ залгаж хэлсэн байна. Хятадын түргэн тусламж, цагдаагийнхан шуурхай ажилласны дүнд ээж хүү хоёрыг аварч чадсан бөгөөд одоо амь насанд нь аюулгүй болсон байна. Тиймээс Заныг эдгэрсэн үед нь эрүүгийн хэрэг үүсгэж баричвлахаар болжээ.  
А.Маша