Ионжуулагч цацрагийн үүсгүүр хэрэглэгч ААН-ийн анхааралд
2017/11/23
Нийслэлд цацрагтай холбоотой үйл ажиллагаа явуулж буй цацрагийн үүсгүүр хэрэглэгч байгууллага, аж ахуйн нэгжүүд Цөмийн энергийн тухай хуулийн 36 дугаар зүйлийн 36.1.5-д заасны дагуу цацрагийн үүсгүүрийн ашиглалтын бүртгэл, жилийн эцсийн тооллогын дүн, дотоод хяналтын тайлан, мэдээг 12 дугаар сарын 20-ны дотор Нийслэлийн Мэргэжлийн хяналтын газрын Цөмийн болон цацрагийн хяналтын хэлтэст ирүүлнэ үү.
ЦАЦРАГИЙН ҮҮСГҮҮРИЙН АШИГЛАЛТЫН БҮРТГЭЛ, ЖИЛИЙН ЭЦСИЙН ТООЛЛОГЫН ДҮН, ДОТООД ХЯНАЛТЫН ТАЙЛАН МЭДЭЭНД ТУСГАХ АСУУДЛУУД
- Цацрагийн үүсгүүрийн ашиглалтын бүртгэл, жилийн эцсийн тооллогын дүн,
- Цацрагийн хамгаалалтын хөтөлбөр, түүнийг хэрэгжүүлэх төлөвлөгөөг хэрэгжүүлсэн байдал. Үүнд:
- Цөмийн энергийн тухай хууль, холбогдох дүрэм, журмын мөрдөлт, хэрэгжилтийн талаар
- Байгууллагын цацрагийн хамгаалалтын хөтөлбөр, түүнийг хэрэгжүүлэх төлөвлөгөө, цацрагийн болзошгүй ослоос урьдчилан сэргийлэх, бэлэн байдлыг хангуулах чиглэлээр авч хэрэгжүүлсэн ажил, үйл ажиллагааг хэрэгжүүлэхэд шаардлагатай төсвийг шийдвэрлэсэн байдал
- Цацрагтай ажиллагчдын ажлын байрны ажиллах хөдөлмөрийн нөхцөлийг сайжруулсан талаар
- Цацрагийн хамгаалалт, аюулгүй байдал хариуцсан алба, нэгж ажилтны хийж хэрэгжүүлсэн ажил,
- Цацрагийн аюулгүй байдалд дотоод хяналт хийсэн байдал, ажлын байрны хяналт, ололт, дутагдалтай талууд, хүрсэн үр дүн,
- Цацрагтай ажиллагчдын хувийн тунгийн дозиметрийн хяналт, Мэргэжлээс шалтгаалах эрүүл мэндийн үзлэгийн талаар,
- Ажлын байрны хяналт, цацрагийн хэмжилтийн багаж, түүний ашиглалт, баталгаажуулалтын талаар,
- Цацрагийн хамгаалалт, аюулгүй байдлыг хангуулах, цацрагийн хамгаалалтыг сайжруулах талаар шинэлэг санаа хэрэгжүүлсэн байдал,
- Цацрагийн хяналтын ажилтан, цацрагтай ажиллагчдын цацрагийн хамгаалалтын сургалтын талаар,
- Үр дүн, санал, тулгамдаж буй асуудлын талаар
НИЙСЛЭЛИЙН МЭРГЭЖЛИЙН ХЯНАЛТЫН ГАЗРЫН
ЦӨМИЙН БОЛОН ЦАЦРАГИЙН АЮУЛГҮЙ БАЙДЛЫН ХЯНАЛТЫН ХЭЛТЭС