УИХ-ын гишүүн Ж.Батзандан өчигдөр өөрийн твиттер хуудаснаа "Гал үндэстэн холбоо"-ны тэргүүн Ц.Мөнхбаяртай уулзана гэсэн амлалтаа хүрчээ.

Тэрбээр өнөө өглөө хорих 461 дүгээр ангид очиж  Ц.Мөнхбаяртай уулзсан байна.

Энэ талаараа өөрийн твиттер хуудаснаа "Ц.Мөнбаярын хэлснээр хүн шантаажилсан, тэсэрч дэлбэрэх бөмбөг тавьсан зэрэг мэдээллүүд үндэслэлгүй бөгөөд цагдаагийн байгууллагаар тогтоогдоогүй гэнэ. Засгийн газрын хууль бус үйлдэлд нийгмийн анхаарлыг хандуулахын тулд буутай очсоноос биш хэн нэгнийг хорлох санаа агуулаагүй хэмээн Ц.Мөнхбаяр хэллээ. Ер нь зандалчлах буюу Эрүүгийн хуулийн 177-р зүйлд Ц. Мөнхбаярын хэргийг зүйлчилсэн нь ямар ч үндэслэлгvй харагдаад байгаа. Учир нь олдох биз. Хүнийг хэлмэгдүүлж болохгүй" гэж бор шувуу нисгэлээ.

 

Д.Ана