Засгийн газрын ээлжит хуралдаан өнөөдөр боллоо.

Хуралдаанаар Монгол Улсын 2023 оны төсвийн тухай хуульд өөрчлөлт оруулах тухай хуулийн төслийн талаар болон бусад асуудлаар хэлэлцэв. Гарсан шийдвэрийг танилцуулж байна.

ЗГХЭГ-ын дарга Д.Амарбаясгалан "2023 оны улсын төсөвт тодотгол хийх төслийг УИХ-д өргөн барихаар боллоо. 

2020 онд Монгол Улсын эдийн засаг -4.6 хувь хүрч уналтад ороод байсан. Энэ нь 1992 оноос хойш анх удаа болсон үзэгдэл байв.

Харин тодорхой арга хэмжээнүүдийг хэрэгжүүлснээр 2022 онд 4.8 хувь болж, эдийн засаг өссөн. 2022 оны намар Монгол Улсын эдийн засгийн нөхцөл байдал амаргүй болж, гадаад өрийн дарамт тулгамдсан. Иймд валютын нөөц нэмэгдүүлэх, экспортын биет бүтээгдэхүүнийг нэмэгдүүлэх бодлого барьж ажилласан. Үр дүнд нь 2023 оны нэгдүгээр улирлын төсвийн орлого даван биелсэн. 

Эхний дөрвөн сард эдийн засаг 7.9 хувийн өсөлттэй гарсан. Энэ нь Азидаа тэргүүлэх өндөр хэмжээний өсөлт бий болж байгаа гэх үр дүн гарсан. Мөн үүнтэй холбоотой гадаадын хөрөнгө оруулагчдын сонирхол бодитой бий болсон" гэлээ.

ШУУД ҮЗЭХ: 

Сангийн сайд Б.Жавхлан өнөөдөр болсон Засгийн газрын хуралдааны шийдвэрийг танилцууллаа. 

Тэрээр дараах 5 ажилд нийт 1.8 их наяд төгрөг зарцуулах болсон тул төсөв тодотгох шаардлага үүссэн гэв.
-Хүүхдийн мөнгийг хүсэлт гаргасан өрх бүрд нөхөж олгох
-Төрийн зарим албан хаагчийн суурь цалинг нэмэх
-Нийслэлийн замын түгжрэлийг шийдэх
-Халамжийн хэмжээг өсгөх.

1.8 их наяд төгрөгөөр төсвийн зардал өслөө. Энэ нь бага мөнгө биш тул бүх нөөцөө дайчлах шаардлагатай. Энэ онд татвараас, НӨАТ-өөс чөлөөлөх хууль батлахгүй.