Ерөнхий сайд Г.Занданшатар өнөөдөр 15 цагт мэдэгдэл хийж, Нүүрсний хулгайтай хийх тэмцлээ илүү эрч хүчтэй, эрс шийдэмгий үргэлжлүүлэхийн тулд өөрийн эрх мэдлийн хүрээнд УИХ-н гишүүн Б.Энхбаярыг Хууль зүй, дотоод хэргийн сайдаар томиллоо хэмээн гэнэтийн мэдэгдэл хийсэн нь олон хүний анхаарлыг татаад буй. 

Тэгвэл Ерөнхий сайд танхимын бүрэлдэхүүн болох сайд нараа томилоход ямар үйл явц болдог вэ талаар товчхон хүргэж байна. 

Монгол Улсын Засгийн газар сайд томилох үйл явцыг Үндсэн хууль болон Засгийн газрын тухай хууль-д заасны дагуу дараах үндсэн дарааллаар явуулдаг.

Товчоор хэлбэл 

  1. Ерөнхий сайд танхимын сайдаа өөрөө нэр дэвшүүлэх

    • Шинэ Засгийн газар байгуулах, эсвэл сайдын албан тушаал орон тоо гарах үед Ерөнхий сайд тухайн яамны сайдын нэрийг санал болгож, Ерөнхийлөгчтэй зөвшилцдөг (Гадаад харилцаа, Батлан хамгаалах зэрэг зарим “тусгай” яамд дээр).

  2. Улсын Их Хуралд өргөн мэдүүлэх

    • Ерөнхий сайд нэр дэвшигчийн саналаа Улсын Их Хуралд (УИХ) өргөн барина.

  3. УИХ хэлэлцэж батлах

    • Байнгын хороо болон чуулганы хуралдаанаар хэлэлцэж олонхийн саналаар баталбал томилогдоно.

    • УИХ-аас батлагдсан даруйд Ерөнхийлөгчийн зарлиг шаардлагагүй, УИХ-ын тогтоол хүчин төгөлдөр болно.

  4. Тангараг өргөх, томилгоо хэрэгжих

    • Томилогдсон сайд УИХ-ын өмнө тангараг өргөснөөр бүрэн эрхээ хэрэгжүүлж эхэлнэ.

Ерөнхийдөө бол дээрх зарчимаар САЙДЫН ТОМИЛГОО албажин албан ёсоор үүрэгт ажлаа эхлүүлэх журамтай. Ямартай ч Ерөнхий сайд өөрөө бүрэн эрхийн хүрээнд Хууль зүйн сайдаа шинээр томилоно гэдгээ мэдэгдээд буй ч түүнийг нь УИХ-р албажуулан хүлээн авах хүртэл тодорхой шат дараалал хүлээж байгаа юм. 

Ерөнхий сайдаас санал болгосон Хууль зүйн сайдын томилгооны хувьд Ерөнхийлөгчийн зөвшилцөл шаардахгүй учир процедурын гол алхам нь УИХ-аар батлах юм.

Их хурлын даргыг Админерал компанитай холбоотой гэдэг ч өнгөрсөнд тэрбээр үгүйсгэж байсан юм. Онцгой тохиолдлоор шахуу ХЗДХ-ийн сайдаар томилогдсон Б.Энхбаяр ч Д.Амарбаясгаланг Админерал компанийн хөрөнгө оруулагч Хасбаатарын үхэлтэй холбоотой гэх ойлголтыг нийгэмд өгсөн байдаг.

 Нүүрсний хулгайтай тэмцэхийн тулд Л.Мөнхбаатар жулдаж, Б.Энхбаяр арсалдаж асан учир улстөрийн тоглоомын дүрмийг эвдэж, гэнэтийн шийдвэр гаргасан нь энэ. ХЗДХ-ийн сайд Л.Мөнхбаатар улстөрийн том тохироо, араас нь дагасан том "зодооны" золиос болов уу гэдэг асуулт хариулт нэхэж байна.