Өмнөд Солонгос дахь Монголын Элчин сайдын яамны нэгэн ажилтныг энэ сарын эхээр гарсан авто осолтой холбогдуулан шалгаж байгааг "Korea Herald" хэвлэл мэдээлжээ. Энэ нь Сөүлийн өмнөд хэсэгт гурван автомашин мөргөлдсөн хэрэг гарчээ.

Ганнам дүүргийн цагдаагийн газрын мэдээлснээр арванхоёрдугаар сарын 12-ны 18:00 цагийн орчимд Синса өртөөний ойролцоо уг осол болжээ. Сэжигтний машин өмнөө байгаа хоёр машиныг дамнан мөргөсөн бололтой. Ослоос болж жолооч нар нь хөнгөн зэргийн гэмтэл авсан байна. Мөн осол гаргасан жолоочийн цусан дахь согтууруулах ундааны хэмжээ зөвшөөрөгдөх түвшингээс өндөр гарчээ. Тухайн хүний Монголын Элчин сайдын яамны ажилтан болохыг сүүлд нь тодорхойлжээ.

Өмнөд Солонгосын эрх баригчид Монголын Элчин сайдын яаманд хандан хууль ёсны хамгаалалтаа ашиглах санаатай эсэхийг нь тодруулжээ. Харин Монгол Элчин сайдын яам цагдаагийн мөрдөн байцаалттай идэвхтэй хамтран ажиллана гэж мэдэгдсэн хэмээн  KOREA HERALD-д нийтэлжээ.