Засгийн газрын өнөөдрийн хуралдаанаар Монгол Улсын орчин үеийн утга зохиолыг үндэслэгч, Их зохиолч Дашдоржийн Нацагдоржийн мэндэлсний 120 жилийн ойг тэмдэглэх шийдвэр гаргалаа.  

Монголын утга зохиолыг үндэслэгч, Боржигон овогт Дашдоржийн Нацагдорж 1906 оны арваннэгдүгээр сарын 17-ны өдөр хуучнаар Түшээт хан аймгийн Дархан чин вангийн хошуу, өнөөгийн Төв аймгийн Баяндэлгэр сумын нутаг Гүн Галуутай хэмээх газар ядуу тайжийн гэр бүлд төржээ.

Долоон настай байхад нь эх Цоомойн Пагма нь бие барсан тул тэрээр эцэг Дашдоржийн ивээлд өсөж өндийжээ.

Бага насандаа гэрийн боловсрол эзэмшиж, 1921 онд Ардын хувьсгал ялсны дараа нийгэм улс төрийн ажилд идэвхтэй оролцож, хувьсгалт шинэ соёл урлагийн ажилд чармайн зүтгэж байв.

• 1921 оноос Цэргийн яаманд бичээч, Цэргийн зөвлөлийн нарийн бичгийн дарга.
• 1924 онд 18 настайдаа Улсын Анхдугаар Их Хурлын зохион байгуулалтын ажилд оролцож байжээ.
• 1925 оноос Бүх Монголын пионерийн товчооны дарга хийж байсан. Тийнхүү 1937 оны долоодугаар сарын 13-нд нас барсан байна.