126 гишүүнтэй Парламенттай болоод ажлыг умалзуулаад усл орноо хөгжлийн манлайд хүргээд өгөх нь дээ гэсэн төсөөлөл хэн бүхэнд байсан нь дамжиггүй. Гэтэл бодит байдал дээр эсрэгээрээ улам доройтож, төвсийн тодотголоо ч баталж чадахгүй, гавьяагүй 126-тай болсоноо ард иргэд өдөр хоног өнгөрөх тусам мэдэрч байна. 

Эдийн засгийн хувьд ч хүндрэлтэй шинэ оныг угтах гэж буй. Улсын төсөв 2 их наяд төгрөгөөр тасарсан байгаа. Ээлжит чуулганыг зарлаад ч төсвийн тодотголыг хэлэлцэн баталж чадахгүй хаасан. Намрын ээлжит чуулганаар хэлэлцэх гэсэн ч АН завсарлага авч гэдийгээд суучихсан. 2026 оны төсвийн тодотгол өргөн баригдсанаас хойш 28 хоног өнгөрчхөөд байхад батлагдаагүй 10-р сарыг угтах нь. Шинэ он гарахад ердөө хоёрхон сар л үлдээд байна. 

Гэвч улс орны хөгжлөөс илүүтэй улс төрчдийн хуваагдал хүчээ авч ахиц дэвшил гарахгүй нь бололтой. Улсын нийт гадаад өр 2026 оны 2 дугаар улирлын эцэст өмнөх оны мөн үеэс 0.4 хувиар өсжээ.

Улсын нийт гадаад өр 2026 оны 2 дугаар улиралд 39.1 тэрбум ам.доллар хүрч, өмнөх оны мөн үеэс 158.1 (0.4%) сая ам.доллароор өсөж, өмнөх улирлаас 1.1 (2.2%) тэрбум ам.доллароор буурсан байна. Улсын нийт гадаад өр 2026 оны 2-р улиралд өмнөх оны мөн үеэс өсөхөд Төв банкнаас бусад хадгаламжийн байгууллагын өр 1.3 (41.2%) тэрбуам ам.доллароор өммөн нь нөлөөлжээ.

Харин Төв банкны гадаад өр 461.7 (29.5%) сая ам.доллароор шууд хөрөнгө оруулалт, компани хоорондын зээллэг 349.0 (1.9%) сая ам.доллароор, Засгийн газрын өр 279.3 (3.2%) сая ам.доллароор, бусад салбаруудынх 47.7 (0.6%) сая ам.доллароор тус тус буурсан байна. Нийт гадаад өрийн 17.6 (45.0%) тэрбум ам.доллар нь шууд хөрөнгө оруулалт, компани хоорондын зээллэг, 8.4 (21.5%) тэрбум ам.доллар нь Засгийн газрынх, 4.4 (11.4%) тэрбум ам.доллар нь Төв банкнаас бусад хадгаламжийн байгууллагынх, 1.1 (2.8%) тэрбум ам.доллар нь Төв банкных, 7.6 (19.3%) тэрбум ам.доллар нь бусад салбарынх байна.

2026 оны 2 дугаар улирлын эцэст Засгийн газрын өрийн үндсэн төлбөрт 2.2 их наяд төгрөг, хүүгийн төлбөрт 737.4 тэрбум төгрөг төлөгдсөн байна. Үндсэн төлбөрийн төлөлт өмнөх оны мөн үеэс 197.3 (8.2%) тэрбум төгрөгөөр буурч, хүүгийн төлбөр 172.3 (30.5%) тэрбум төгрөгөөр өссөн байна.