Цахим эрин ноёлж байгаа энэ үед электрон барааны орлого багатай дэлгүүрүүд дүүрэн болсон. Тэр хэрээр электрон барааны салбар дахь өрсөлдөөн ихэслээ.

Өөрсдийгөө хамгийн найдвартай, брендийн бараа оруулдаг, эдэлгээ сайтай гэх зэргээр өдөр шөнөгүй рекламддаг ч зарим нь чанарын шаардлага хангаж байна уу гэвэл бас л хангалттай бус. Тэр ч бүү хэл өглөө босоход цай чанаад өгөх, орой хоол хийгээд өгөх плетик ч бий, тэдэнд. Хэдэн хиртэй хувцасыг өөрөө угаагаад өөрөө хатгаад өгөх угаалгын машин ч бий. Индүү энэ тэр бол ярилтгүй. Таныг өглөө босоход хувцасыг чинь индүүдэд тэвхийтэл эвхчихдэг шахуу л рекламдана. Тэдний рекламдаж байгаагаар шүү дээ. Тодруулбал, “Next электроникс” тэргүүтэй цахилгаан барааны салбарууд. 

 

     Сүүлдээ энэ рекламны орон зай нь хийсвэр, үлгэрийн сэтгэхүйгээр дүүрч, хэн ч итгэхээ болилоо. Тэгэхээр нь электрончууд сэм сэмхэн нэгийгээ муулах тактик хэрэглэх болжээ. Бидэнд энэ тухай олон хэрэглэгчид хандсан учраас сийрүүлж байгаа хэрэг. Жижиг зах зээлд хэрэгтэй хэрэггүй нь мэдэгдэхгүй баахан цахилгаан бараа оруулж ирсэн салбар дэлгүүрүүдийн реклам ч хол явахаа больж, нэгнээ муучлах замаар бараа бүтээгдэхүүнээ борлуулах арга хайж байгаа нь харамсалтай л хэрэг. 

 

      Энэ явдал нь “Next электроникс”-ээс эхтэй бололтой юм. Үүнийг бас муугүй хэрэгжүүлж байгаа тэргүүлэгч салбар нь “Номин электроникс” юм байх. Саяхан нэг танил маань “Номин электроникс”-оор  орж бараа сонирхчихоод “Next электроникс”-оор оржээ. Ингээд худалдагч бүсгүйд юу сонирхож яваагаа дуулгаад “Сая би Номин электрониксоор орлоо. Авах гэж байсан зурагтны загвар таалагдсангүй” гэхэд худалдагч нь тосч аваад “Манайх бол загвараас гадна чанарын хувьд жинхэнэ бренд. Манай бусад газар ч но-той шүү дээ. Аягүй бол хятад бараа оруулж ирдэг байх шүү” гэхэд худалдан авагч “Тэгээд Next электроникс чинь хятад бараа авчирдаг хэрэг үү” гэхэд худалдагч “Яг ч тийм гэж хэлж байгаа юм биш. Юутай ч түрүүчийн долоо хоногт урьдаас оруулж ирсэн бололтой баахан цахилгаан бараа угсарсан гэсэн” хэмээгээд цааш эргэсэн байх юм. Үүнийг юу гэж ойлгох вэ. Өнөөх далд реклам, хар пиар гэх үү, юу гэх вэ. Энэ явдал нь цахилгаан барааны салбарт тэргүүлэгч гэх “Номин элетроникс”-т байдаг аж. “Номин элетроникс”-оор үйлчлүүлсэн нэгэн худалдан авагч ч ажилчид нь бусад цахилгаан барааны сүлжээ дэлгүүрүүд хятад бараа оруулдаг хэмээн муучилж байхыг сонссон байна. 

 

       Дээрх явдлыг нэгэн хэрэглэгчээс сонсоод нэг жилийн өмнөх явдал санаанд оров. Цахим ертөнцөд ч энэ мэдээлэл нь байж байна лээ. Тэгэхээр үүнийг ямар нэгэн засваргүйгээр шууд сийрүүлья. 
 

    “Саяхны нэг өдөр нэгэн хэрэглэгч цахилгаан бараа болон бусад зүйлс худалдан авахаар хороололд байрлах хэдэн элекроникийн дэлгүүрээр ороод гарсан аж. Захаас авахуулан тааралдах олон дэлгүүр хэсэж залхсан тэрээр MCS электрониксийн ITZone их дэлгүүрээр Mogul брэндийг сонирхчихоод хажууханд нь байрлах Next электроникс руу орсон аж. Тэрээр Samsung брэндийн 42 инчийн телевизор сонирхож “ITZONE-ийн  Mogul арай гайгүй юм уу” гэж байтал худалдагч  “Манайх оргиналь брэндийн бараа зардаг. Харин  дэлгүүрүүд  тэр дундаа Mogul чинь хятад ш дээ” хэмээн хаяагаа хадарсан байгаа юм. 

     Үнэн хэрэгтээ аль аль нь л ялгаагүй гэдгийг мэргэжлийн хүрээнийхэн ярьдаг. Хаа газрын зурагт засвар болон бусад цахилгаан бараа засварын газраар ороход “Next электроникс”-ийн бараа гэх эвдэрсэн цахилгаан бараа олон байхыг үзэж байсан. Зарим нэг завсарын газраас орвол саяхан “Next электроникс”-оос аваад удаагүй юм, эвдэрчихлээ хэмээн халаглаж зогсоотой ч цөөнгүй таарч байв. 

 

    Чухам эд нар яг хаанаас юу оруулж ирдгийг баримтаар нотлох юм алга. Бодит байдал бол энэ. Хамгийн гол нь бие биенээ энэхүү далд рекламдаж, хар пиарын хэмжээнд бусдыгаа доош хийж болохгүй л болов уу. 

 

А.Гал