Ч.Сайханбилэг нь МУ-ын ерөнхий сайдын ажлаа аваад удаагүй байгаа ч аль хэдийн яам тамгын газрын дарга нарыг дотроо томилж, багаа бүрдүүлэхээр тооцоолсон нь мэдээж.

Хэн нь солигдож хэн нь шинээр томилогдох бол гэж хүн бүхэн чих тавин хүлээн сууна. Ерөнхий сайд засгийн газрыг барих үлдсэн 2 жилийн хугацаанд хийсэн ажил, хэлэх үгтэй сууж байхыг хүсч буй нь ойлгомжтой. Үүний тулд сайд, дарга нарыг ажил үүргийн хувьд сайжруулан томилж солих нь тодорхой. Тэр тусмаа өмнөх засгийн газарт Монгол улсын Эрүүл мэндийн салбарыг уналт руу ихээхэн түлхэж байсан гэх МАХН-ын төлөөлөл Н.Удвал сайдыг суудлаас нь буулгаж оронд нь АН-аас хэн нэгнийг Эрүүл мэндийн сайдаар томилох сураг гараад байгаа.

Тус Эрүүл мэндийн сайдын суудалд суух эрхэмийн жагсаалтыг Ардчилсан намын төлөөлөл одоогий дэд сайд Ж.Амарсанаа тэргүүлж яваа сурагтай. Учир нь Ж.Амарсанаа улс төрийн залуу зүтгэлтэн, хийж бүтээх ид гал халуун дээрээ яваа ба өөрийн үзэл бодолдоо тууштай бөгөөд хийхийг зорьсон ажлаа гарамгай сайн гүйцэтгэж байгаа нэгэн. Гадаадад олон жил сурч боловсорсон болоод ч тэрүү эрүүл мэндийн салбарыг дэлхийн стандартад нийцэж ажиллах хэрэгтэй талаар ам нээх бүртээ дуугарч, зарим ажлуудыг эхлүүлээд амжсан. Тиймдээ ч өнгөрсөн 2 жилийн хугацаанд Н.Удвал сайдтайгаа хэд хэдэн асуудал дээр санал болоод зарчмын хувьд зөрөлдөөд авсан сурагтай.

Харин саарал ордоны баттай эх сурвалжаас сонсоход АН Эрүүл мэндийн салбарыг авах төлөвлөгөөтэй байгаа бөгөөд хэргэжвэл Ж.Амарсанаа сайдаар томилогдох нь тодорхой гэнэ. Мэдээж ерөнхий сайд ч энэ асуудалд нухацтай хандах нь ойлгомжтой. Харин хараа нь хир мэргэн байхыг харж суух л үлдлээ.

A. Гэрэл