Ерөнхийлөгчид нэр дэвшигчдийн мэтгэлцээн ирэх долоо хоногт болно
2017/06/11
Монгол Улсын Ерөнхийлөгчид нэр дэвшигчдийн дунд анхны халз мэтгэлцээн 20.00 цагаас Соёлын төв өргөөнд болох байсан ч хойшиллоо.
Мэтгэлцээн "Хууль эрх зүй-Шударга ёс" сэдвийн дор болж, Монголын телевизүүдийн холбооны 14 телевиз өөр өөрсдийн сувгаар цацах байсан. Гэвч АН-аас нэр дэвшигч Х.Баттулга энэхүү мэтгэлцээнд оролцох боломжгүй хэмээн мэдэгдсэн тул уг мэтгэлцээн хойшилсон байна.
Нэр дэвшигч Х.Баттулга мэтгэлцээнд оролцохгүй болсон шалтгааныг АН-ын нарийн бичгийн дарга О.Магнай, "Монголын телевизүүдийн холбоо бидэнд долоо хоногийн өмнө энэхүү саналаа өгсөн бол мэтгэлцээнд оролцох боломжтой байлаа. Харамсалтай нь урьд өдөр нь энэхүү саналаа ирүүлсэн учраас оролцох боломжгүй" гэж тайлбарлав.
Монголын Телевизүүдийн холбоо мэтгэлцээнийг ирэх долоо хоногт явуулахаар болжээ.
бүү оролц. · 2017/06/12
бүх асуулт хариулалтыг МАН боловсруулсан учир оролцох хэрэггүй.монголчуудын танихгүй улс биш. юугийн нь мэтгэлцэх танилцах юм.бүү оч. МАН харлуулж л байг.ард түмэн тоохгүй. танихаас хойш
зочин · 2017/06/11
Мэдээж Баттулга хүн ойлгохоор олигтой юм ярьж чадах ч үгүй, орохгүй байх нь ч дээр, Ганбаатар бол хойно урд нь хольж хутгаад баахан агсам тавина, Энхболд харин бүх хүнд ойлгогдохоор, эмх цэгцтэй ярих учир энэ эгзэгтэй үед илүү үнэлгээ авах нь тодорхой тул халз мэтгэлцээнийг аль болох хойшлуулж гэртээ давтах, болж өгвөл мэтгэлцэхгүй байх сонирхол АН-д байгаа.