ОХУ-ын дипломат төлөөлөгч “Хар сарнай” хамтлагийн дуучин С.Амармандах буюу Амарааг зодож гэмтээсэн нь нийгэмд нэлээд шуугиан дэгдээгээд байна. Түүнийг зодуулах үед хэн ч салгах гэж оролдоогүй бөгөөд түргэн тусламж, цагдаа дуудахын оронд олон хүний нүднээс нууж харанхуй өрөөнд цаг гаруй хугацаанд байлгасан талаарх мэдээлэл байна. Дуучин залуу цус их алдсан ч өөрөө тэндээс гарч такси барьж гэртээ харьжээ. Гэрийнхээ үүдээр ороход нь хүү, охин хоёр нь хаалга тайлж өгчээ. Аавынхаа зодуулсан царай зүсийг харсан бяцхан охин айсандаа цочролд орж хэдэн өдөр уйлагнаж, цочиж сэрж шөнөдөө нойргүй хоносон байна. Дуучны ар гэрийнхэн болон өмгөөлөгч, холбогдох хүмүүсийг ОХУ-ын Элчин сайдын яамны удирдлагууд хүлээн авч уулзсан тухай бид мэдээлсэн. Ингээд дуучин Амараагийн өмгөөлөгч Г.Батбаяраас тодрууллаа.

Нийслэлийн удирдлагууд дуучинг зодуулчихаад байхад хүнгүй өрөө рүү оруулсан.Түргэн тусламж ч дуудаагүй талаар үнэн эсэх:

-Үнэн. Хүн амьтан харахаас нь өмнө хүмүүсийн нүднээс холдуул гэж бодвол туслахууддаа үүрэг буулгаа биз. Түргэн тусламж ч дуудалгүй ганцааранг нь нэг өрөөнд оруулаад орхичихсон гэсэн. Тухайн үед зодуулсан хүн ямар л олиг байхав, ухаан нь орж, гараад л болж буй процессыг муухан мэдэж байгаа хэрэг. Аргаа бараад манай үйлчлүүлэгч өөрөө гэртээ харьсан байсан. Гэрийнхээ үүдээр ороод л ухаан алдаж унасан байна лээ. Яаралтай түргэн тусламж үзүүлээгүйн улмаас цаг хугацаа их алдсан. Үүнээс болж түүний өвчин ийм хүнд байдалд хүрчихээд байгаа юм. Нэртэй зүстэй дуучинг зүгээр л нохой шиг гаргаад хаячих шинжтэй.Ийм нэр хүндтэй олны танил хүнийг хүртэл харанхуй өрөөнд аваачаад орхичихож байгаа юм чинь.

ОХУ-ын Элчин сайдын яам хүлээж авсан талаар:

-Уг нь димломат дэг журмын дагуу ОХУ-ын Элчин сайдын яамны удирдлагууд биднийг шууд хүлээж авах учиргүй. Гэвч Консулын хэлтсийн дарга В.В.Горячев хэлэхдээ энэ тухай мэдээллийг зөвхөн сонин, хэвлэлээс олж мэдсэнээс хэтрэхгүй. Мөн Оросын зарим сайтуудад тавигдсан мэдээллийг уншсан. Гадаад хэргийн яамнаас албан ёсоор мэдэгдээгүй учир тэд мэдээж сонингийн мэдээлэл бариад ийм юм гарчихлаа гээд гүйх үндэслэл байхгүй шүү дээ.

Ямар үндэслэлээр хотын удирдлдага С.Батболдыг хардаж байгаа вэ?

Амараа хүмүүст “За баяртай” гээд гарсан байдаг. Манай үйлчлүүлэгчийг өөр өрөөнд оруулсан, зодсон сахалтай нөхрийн хажууд явж байгаа цагаан цамцтай нөхөр гээд бүгд л Батболдын туслах ш дээ. Биш байлаа гэхэд Сандуйгийн туслах ш дээ.Зодсон нөхрийг оргон зайлахад нь манайхны нөхдүүд л далдаганаад гүйж байгаа байхгүй юу. Дээрээс нь арга хэмжээ зохиосон бол зочдынхоо аюулгүй байдлыг хангах үүрэгтэй биз дээ.

О.ӨНӨР