Засгийн газрын өнөөдрийн хуралдаанаар данс нь хаагсдан ААН-үүдийн дансыг нээхээр шийдвэрлэжээ.

Энэ талаар ХЗДХ-ийн С.Амарсайхан "Засгийн газрын анхны хуралдаанаар данс нь хаагдсан 12 мянга гаруй ААН-ийн дансыг нээхийг Ерөнхий сайд Н.Учрал үүрэг болголоо. Шүүхийн шийдвэргүйгээр хувийн ААН, байгууллагын дансыг хаах нь хууль бус зүйл. Эдийн засаг хүндэрч, орлого буурсан , зах зээлд мөнгөний эргэлт байхгүйн улмаас татвараа төлж чадахгүй байгаа энэ үед данс хаах нь буруу. Аливаа байгууллагын данс нээлттэй байх орлого орно. Орлоготой байж татвараа төлнө биз дээ. Тиймээс данс хааж биш нээж үйл ажиллагаа явуулахыг нь дэмжинэ" гэлээ.

Мөн тэрбээр хууль эрх зүйн орчныг нээлттэй болгож, хууль иргэдийг айлгадаг биш хамгаалдаг байх зарчмим баримтлан ажиллана. ХЗДХ-ийн сайдын хувьд Төрийн ордонд гэмт хэрэг ярихгүй. Хэрэг гарсны дараа ярьдаг биш гарахаас өмнө урьдчилан сэргийлнэ.