БНХАУ-ын иргэд МХЕГ-ын бичгийг хуурамчаар үйлдэж их хэмжээний мах хилээр гаргажээ
2020/03/27
БНХАУ-д махны үнэ Монгол улсад худалдаалагдаас өндөр үнэтэй байдаг.
Үүнтэй хoлбоотойгоор Хятад иргэд ашиг олох зорилгоор Монгол улсад аялалын виз авч орж ирэхдээ зохион байгуулалттайгаар МХЕГ-ын бичиг болон бусад баримтыг хуурамчаар үйлдэж, мах хилээр нэвтрүүлдэг байсан нь тогтоогджээ. Тодруулбал, Сонгинохайрхан дүүргийн нутаг дахь “Эмээлт” болон Налайхын түүхий эд бэлтгэн нийлүүлэх төвийн ойролцоо байрладаг, малын мах бэлтгэж, боловсруулах чиглэлээр үйл ажиллагаа явуулдаг БНХАУ-ын хөрөнгө оруулалттай аж ахуйн нэгжийнхэн нутгийнхаа иргэдтэй хамтарч хууль бус үйлдэл гаргасан гэнэ. Хоёр улс хилээрээ зорчигч нэвтрүүлэхийг хязгаарлахаас өмнө тус улсаас жуулчны, бизнес ангиллын виз авч орж ирсэн иргэд дээрх газруудад байрлалтай хятад, өвөрмонголчуудтай бүлэглэн, мэргэжлийн хяналтын байгууллагаас олгодог зөвшөөрөл, бусад бичиг баримтыг хуурамчаар үйлдсэн юм байна.
Улмаар түүнийгээ ашиглан Монгол Улсаас өмнөд хөрш рүү адуу, ямааны их хэмжээний мах гаргасан аж. Хууль сахиулах байгууллагын ажилтнуудын мэдээлснээр 2020 он гарснаас хойш л ийнхүү хуурамч бичиг баримт үйлдэн их хэмжээний махаа гаргасан гэнэ.
Одоогоор энэ хэргийг цагдаагийн байгуулагаас шалгаж байгаа бөгөөд бид энэ талаар эргэж мэдээлэх болно.
даш.өндөр настан · 2020/03/28
Мах дотоодоо хангаж чадахгүи иргэдээ өндөр үнэтэи махаар даржбаидгаа болиоч.зуд болохоор хотын иргэд малчидад гараа сунгадаг шүү.хятадад биш дотооддоо мах бэлтгэн ниилүүлэгч кампанид чёнж биш шүүд өх хэрэгтэи.
bat · 2020/03/28
Энэ сонгуульд ард түмэн минь намчирхал яахав нэг л удаа Шинэ нам шинэ хүмүүсийг дэмжэцгээе тэгвэл төр хяналттай ажиллаж ард түмэн хожноо
Зочин · 2020/03/27
Малчид өөрсдөө шуналтаад хятадуудад малаа зарж зарчихаад улсаас өвс тэжээл үнэгүй нэхээд л хэдхэн жилийн нийгмийн даатгалын шимтгэл төлсөн болоод тэтгэвэр тогтоолгоод авах болохоор сарвайж нэхэж авчихаад өгөх болохоороо өндөр үнэ нэхээд суучихаж болж байгаамуу? Малчдаас малын хөлийн татвар болоод албан журмын ноогдол оногдуулж мах ноос ноолуур авах хэрэгтэй ш дээ
Зочин · 2020/03/27
зөвхөн 2020 онд биш. Өмнө нь тухайлбал 2018, 2019 онд ч бас урагшаа мах гарч байна гээд ярьдаг байсан ш дээ.