Мэргэжлийн Хяналтын Ерөнхий Газрын дэд даргын баталсан 01/240 тоот удирдамж, Баянзүрх дүүргийн Засаг даргын  А/273 тоот захирамжийн дагуу Баянзүрх дүүрэгт үйл ажиллагаа явуулж буй 33 түргэн үйлчилгээний цэгт хяналт шалгалт хийжээ.

Уг шалгалтаар түргэн үйлчилгээний цэгүүдэд хуушуур, шарсан ороомог, жигнэсэн ороомог, чанасан өндөг зэрэг хоол, түргэн гэмтэж муудах  хүнсийг  эрүүл ахуйн шаардлага хангахгүй нөхцөлд хадгалж худалдаалсан, хүнсний эрүүл мэндэд сөрөг нөлөө үзүүлж болзошгүй хүнсний бүтээгдэхүүн худалдаж байсан зөрчил илрүүлсэн байна. Мөн 9 иргэнд 1.750.000 төгрөгийн шийтгэл ногдуулж, түргэн үйлчилгээний цэгт зохих зөвшөөрөлгүйгээр тамхи худалдаалж байсан 2 иргэний 16 нэрийн 90 хайрцаг нийт 337000 төгрөгийн тамхийг хурааж, улсын орлого болгохоор Нийслэлийн Засаг даргын дэргэдэх орон тооны бус зөвлөлд шилжүүлж, 3 төрлийн сэрэмжлүүлэг тараасан аж.