ЭМЯ-аас өдөр бүр 11:00 цагт коронавирусний талаарх мэдээллийг хүргэдэг. Өнөөдөр Монгол улсад коронавирус илрээгүй болохыг мэдээллээ. Тодруулбал, XӨСҮТ-ийн ерөнхий захирал Д.Нямхүүгийн мэдээллийг хүргэж байна. 

Тэрбээр, 7-р сарын 18-нд 113 хүнд шинжилгээ хийхэд  коронавирус илрээгүй. Афганистаны ирсэн зэвсэгт хүчний 31 дайчдын давтан шинжилгээгээр вирус илрээгүй. Афганистанаас 113 дайчин ирснээс 53-т нь коронавирус илэрсэн. Хоёр хүн эдгэрч өнөөдөр ХӨСҮТ-өөс сувиллын тусгаарлалтад шилжлээ. 

Монгол Улсад 287 хүн халдвартай нь батлагдсанаас 213 хүн эдгэрлээ. 74 хүн эмчлүүлж байгаагаас 12 хүн хүндэвтэр. ХӨСҮТ-д 112 хүн эмчилгээ, хяналт, тандалтад байна.

Гэрийн ажиглалтад шилжсэн 34 настай жирэмсэн эмэгтэй өнөө өглөө 06.40 цагт ХӨСҮТ-д ирж амаржлаа.