Гүүрэн дээрээс хашлага мөргөж унасны улмаас нэг иргэн нас барсан харамсалтай хэрэг гарчээ.

Тодруулбал, Дархан-Уул аймгийн Шарынгол сумын Санжинт багийн Төв гүүр гэх газарт ачааны автомашин гүүрэн дээрээс хашлага мөргөн унаж, автомашины эд ангид хүн хавчуулагдсан тухай дуудлага өчигдөр Онцгой байдлын газарт иржээ.

Дуудлагаар тус аймгийн Онцгой байдлын газрын Шарын гол сум дахь Гал түймэр унтраах, аврах 55 дугаар ангийн алба хаагчид тухайн газарт очиход Портер загварын ачааны автомашин гүүр хашлага мөргөн доош унаж, жолооч 23 настай Б автомашины эд ангид хавчуулагдсан байсныг гарган, сумын Эрүүл мэндийн төвийн бага эмчид хүлээлгэн өгсөн байна. Харамсалтай нь тус иргэн эмнэлэгт очсоныхоо дараа нас баржээ.