УИХ-ын Эдийн засгийн байнгын хорооны өнөөдрийн хуралдаанаар “Цагаан суваргын ордын төрийн эзэмшлийн хувь тогтоох тухай” УИХ-ын тогтоолын төслийг хэлэлцлээ.

  Засгийн газраас өнгөрсөн тавдугаар сарын 23-ны өдөр уг ордын 34 хувийг Засгийн газар эзэмших ёстой гэсэн тогтоолын төслийг УИХ-д өргөн барьсан юм.
Байнгын хорооны хуралдаанд оролцсон нийт гишүүдийн дийлэнхи олонхи нь  уг төслийг   дэмжсэнгүй. Ингэснээр Цагаан суваргын ордод төр хувь эзэмших боломжгүй болж буй юм.


Хэрэв Засгийн газар уг ордод 34 хувь эзэмшихээр болсон бол нийт 350.6 сая ам.долларын хөрөнгө оруулалтыг "МАК" группт өгөх байсан ажээ.
Дорноговь аймгийн Мандах сумын нутагт орших Цагаан суваргын зэс молибдений ордын ашиглалтын тусгай зөвшөөрлийг “Монголын алт” компани эзэмшдэг бөгөөд уг компаний эзэд нь МАН-ын зөвхөн байрыг барихад л 1 тэрбум төгрөгийн хандив өгдөг УИХ дахь МАН-ын бүлгийн дэд дарга Н.Номтойбаяр, Ерөнхийлөгчийн 2013 оны сонгуулиар Ц.Элбэгдоржийн төлөө ажиллаж, хандив өгч байсан Н.Нямтайшир нар билээ.
Уг асуудлыг өнөөдөр УИХ-ын нэгдсэн чуулганаар эцэслэн шийдвэрлэх юм.

Б.Цог