С.Ганбаатар: ЭМД-ын сангаас улстөрчид хулгай хийснээс болж "UB Palace"-д хандивын тоглолт болдог
2023/04/21
УИХ-ын чуулганы хуралдаанаар Эрүүл мэндийн даатгалын Үндэсний зөвлөлийн зарим гишүүнийг чөлөөлөх, томилох тухай асуудлыг хэлэлцэж байна. Энэ үеэр УИХ-ын гишүүн С.Ганбаатар байр сууриа илэрхийллээ.
Тэрбээр "Зөвлөлд орж байгаа зургаан хүнийг дэмжиж байна. Гаднын улсад эрүүл мэндийн даатгал хамгийн гол улс төр нь болж, анхаарлаа хандуулдаг. Эрүүл мэндийн даатгалын сан жилдээ 1.4 их наядын орлого, зарлагатай. Энэ нь улсын төсвийн таван хувийг эзэлж байна.
Үүнийг ард түмний төлсөн мөнгө гэж ойлгох хэрэгтэй. Гэтэл өнгөрсөн 30 жилийн хугацаанд энэ мөнгийг улстөрчид хулгай хийсэн. Тэгэхээр зөвлөлд орж байгаа зургаан хүн улстөрчдийн гарыг тас цохиж өгөөрэй гэж гуйя.
Улстөрчид сонгууль дөхөөд ирэхээр "Эрүүл Монгол хүүхэд", "Эрүүл Монгол хүн" гээд янз бүрийн хөтөлбөрүүд хэрэгжүүлж эхэлнэ. Үүнийг нь нам цохиж унагаахгүй бол өвчин тусахаар иргэд хашаа байшингаа зарж, хамаатан саднаасаа гуйдаг.
"UB Palace"-д болж байгаа хандивын тоглолт гэдэг чинь ЭМД-ын сангаас улстөрчид хулгай хийсэн гэсэн үг. Яагаад хүмүүс даатгал төлөх дургүй байгаа вэ гэвэл төлсөн хэр нь хашаа байшингаа зарах дээр тулж байна" хэмээв.
ШУУД ҮЗЭХ:
Зочин · 2023/04/21
Захирал нь Бямбасүрэн бил үү?
шаабар · 2023/04/21
ЭМД ын сангаас хулгай хийсэн нөхдөд яагаад хариуцлага тооцохгүй дүлэгнээд байдаг нь сонин. Ямар аргаар энэ сангийн мөнгийг хувааж иддэг нь аль эрт тодорхой болсон атал нэг ч хүн арга хэмжээ авагдсангүй. Тэгэхээр улс төрчид хамтарч хулгайлдаг нь үнэн болохоор тэр. Ганц эрүүл мэндийн ч биш ер нь бүх төрлийн даатгалын мөнгө хулгайч нарын халаасань ордог нь үнэн шүү дээ. Энэ сангуудад сайн шалгалт оруулвал мөн ч олон хулгайч илрэнэ дээ.