УИХ-ын Эдийн засгийн байнгын хороо болон Өргөдлийн байнгын хорооны хамтарсан хуралдаан өнөөдөр буюу арваннэгдүгээр сарын 11-ний 15.00 цагт товлогджээ.

Хуралдаанаар нийтийн ашиг сонирхлыг хөндсөн асуудлаар иргэдээс гаргасан өргөдлийг хэлэлцэх юм. Тодруулбал, Оюу толгойн ашгаас Монгол Улсад ногдох гурван их наяд төгрөгийг иргэдэд тэгш хуваарилж, хүн бүрийн хувь дансанд 857 мянган төгрөг шилжүүлэх асуудлаар хуулийн төсөл санаачлах тухай өргөдлийг хэлэлцэнэ.

Эл өргөдөл нь Оюу толгойн төслөөс Монголын талд ногдох өгөөжийг иргэдэд шууд хүртээх эрх зүйн зохицуулалт бий болгох зорилготой юм.