"Төсвийг мөшгөе" булангаараа энэ удаад Боловсрол, шинжлэх ухааны яам үе үеийн сайд нарынхаа хөрөг зургийг 76 сая төгрөгөөр зуруулахаар тендер зарлаж, шалгаруулалтад нь болсон талаар онцлох юм.

Тус яам нь "Боловсролын шинэ зууны сэргэлтийн бодлого" арга хэмжээний хүрээнд боловсролын асуудал эрхэлсэн төрийн захиргааны төв байгууллагад ажиллаж байсан сайд нарын хөрөг зургийг зуруулах гэж байгаа аж. Энэ ажлыг тендерийг  хоёрдугаар сарын 08-нд зарлажээ.

Нийт 38 хүний хөргийг зуруулах бөгөөд нэг бүр нь 50х40 хэмжээтэй байх юм байна. Уг хөргүүдийг зуруулах нийт өртөг 76 сая төгрөг. Зардлыг урсгал төсвөөс гаргана. Өөрөөр хэлбэл, нэг хөрөг зургийг 2 сая төгрөгөөр зуруулахаар тооцоолсон гэсэн үг.

Тендерийн бичиг баримттай танилцвал, зураг төслийг гүйцэтгэх хугацаа 3 сар бөгөөд зураач мэргэжилтэй өмнө нь энэ төрлийн ажил гүйцэтгэж байсан мэргэжлээрээ 5-с дээш жилийн туршлагатай уран бүтээлчтэй хуулийн этгээд хэмээн заажээ. 

Тэгвэл уг тендерийн шалгаруулалтад "Интервүүд трейд" ХХК шалгарчээ. Тус компани нь барилгын үйл ажиллагаа явуулдаг гэгдэж байгаа юм. Харин "Opendatalab" дата мэдээллийн системд үйл ажиллагааны чиглэлийн хувьд онлайн болон туслах материалын худалдаа эрхэлдэг хэмээн  бүртгэгджээ. Тус конпани 2020 онд байгуулагдсан аж. Эсвэл тендерийн бичиг баримтад дурдсан бараа материалыг оруулж ирээд зургийг өөр хүн гүйцэтгэх гэж буй юм болов уу даа. Гэхдээ барилгын материалын дэлгүүрт мэргэжлийн уран бүтээлч харъяалагддаг болчихсон ч юм билүү? хэн мэдлээ. Энэхүү компани нь өмнө нь Ой цэвэрлэх ажлын хүрээнд ойгоос гарах хаягдлыг дахин боловсруулах, эдийн засгийн эргэлтэнд оруулах тендерт шалгарч байжээ.

Угтаа бол тендертээ хөрөг зураг зуруулах захиалга гэсэн байгаа юм. Ямартай  ч улсын төсвөөс 76 сая төгрөгөөр үе үеийн сайд нарынхаа хөрөг зургийг зурж өлгөхөд л сайдын гол зорилго болтойдог.

 

 

 

 

 

Холбоотой мэдээлэл: 

Төсвийг мөшгөе: Эдийн засгийн, хөгжлийн яам шилэн дансны хуулийг зөрчиж 371 сая төгрөгийг хаашаа шилжүүлэв

Төсвийг мөшгөе: Хүүхэд хамгааллын 8 тэрбумын алга болсон 50 хувь юунд зарцуулагдсан бэ?

Харьцуулалт: Сайд нарын төсөв өмнөх оныхоос өсжээ

Ерөнхий сайд өссөн нутагтаа "данхайсан төсөв" тусгажээ

Төсөв мөшгөе: Ерөнхий сайдын ажлын алба 5 тэрбумыг юунд зарцуулав

Төсвийг мөшгөе: Засаг даргын машиныг 150 сая төгрөгөөр & хогны машин 190 сая төгрөгөөр худалдан авна

Төсвийг мөшгөе: Хүнс, хөдөө аж ахуй, хөнгөн үйлдвэрийн яам 6 төрлийн шагналд мөнгөн аяга 220 сая, цом 233 сая, домбо 33 сая төгрөгөөр авч өгнө

Төсвийг мөшгөе: Ерөнхий прокурорын газар 850 сая төгрөгөөр, АТГ 156 сая төгрөгөөр тавилга, эд хогшил авна

Төсвийг мөшгөе: Эрдэнэт үйлдвэр 258,750,000 төгрөгөөр, Автотээврийн үндэсний төв 725 сая төгрөгөөр машин авна

Төсвийг мөшгөе: Ямар "тавилга" авах нь тодорхой бус ч 800 сая төгрөгөөр эд хогшилтой болно