Баянзүрх дүүргийн иргэдийн Төлөөлөгчдийн Хурлын төлөөлөгч нар болон 500 гаруй иргэн хотын даргад шаардлага хүргэхээр Яармаг дахь Нийслэлийн Засаг даргын Тамгын газрын гадаа жагсаж байна. “Нийслэлийн 2026 оны төсөвт нэмэлт, өөрчлөлт оруулах тухай” тогтоолоор дүүргийн төсвөөс нийслэлийн төсөвт төвлөрүүлэх шилжүүлгийг 27,200.0 сая төгрөгөөр нэмэгдүүлж, 214,086.8 сая төгрөг байхаар тусгасан.

Баянзүрх дүүрэг сүүлийн 5 жил нийслэлд 740 гаруй тэрбум төгрөгийн татвар төвлөрүүлсэн байхад хүн ам, газар нутгаар ойролцоо Сонгинохайрхан дүүрэг 65 тэрбум төгрөг төвлөрүүлсэн нь шударга бус байна.

2026 онд дүүргийн татвараас 214 тэрбум төгрөгийн татаасыг Нийслэлд төвлөрүүлбэл дүүргийн иргэдийн төлөө төлөвлөсөн олон хөрөнгө оруулалт, төсөл хөтөлбөрийг хэрэгжүүлэх боломжгүй, цаашлаад төрийн албан хаагчдын цалинг тавих боломжгүй байдалд хүрнэ гэдгийг жагсагчид хэлж байна. Мөн тэд яаралтай НИТХ-ыг дахин хуралдуулж төсөвт өөрчлөлт оруулах, Нийслэлийн МАН-ын хурлыг хуралдуулахыг Нийслэлийн Засаг дарга бөгөөд Улаанбаатар хотын захирагч Х.Нямбаатараас шаардан жагсаж байна.