УИХ-ын асан Ж.Сүхбаатар, МАН-ын дарга асан, УИХ-ын гишүүн Ө.Энхтүвшин нарын МАХН, МАН-ыг нэгтгэхийг ил тод уриалдаг хэсэг улс төрчид МАН-аас гарч, МАХН-д элсэх гэж буй тухай бид өмнө нь мэдээлж байсан билээ.

Үүнийг МАХН-д элсэх гэж буй мэт мэдээлэл түгээж, намдаа орон зайгаа бэхжүүлэх, УИХ-ын сонгуульд өрсөлдөх квот олж авах нэг маягийн шантааж гэж дүгнэх хүн олон байсан юм.

Харин УИХ-ын гишүүн асан Ж.Сүхбаатарын хувьд МАН-аас гарч МАХН-д элсэх нь бараг тодорхой болсон тухай эх сурвалж өгүүлж байна. Үүнийгээ ч батлах мэт тэрээр Н.Энхбаяртай уулзсан зургаа дэлгэрэнгүй тайлбарын хамт сошиал хуудастаа оруулжээ. Эх сурвалжуудын өгүүлж буйгаар Ж.Сүхбаатар жил орчмын өмнөөс Н.Энхбаяртай уулзаж, ойлголцолд хүрэхээр ажилласан байна. Н.Энхбаяр ч нэр цэвэр, чадварлаг хуульч Ж.Сүхбаатарыг намынхаа лидер болгохоор хүлээн зөвшөөрч, нэгдсэн тохиролцоонд хүрсэн бололтой. Ж.Сүхбаатар МАХН-д элсмэгцээ намын "гал тогоо"-г хариуцан, ЕНБДаргаар томилогдон ажиллахаар шийдвэр үндсэндээ тогтсон байна. Ийнхүү УИХ-ын 2012 оны сонгуулийн дараа МАН-ын ирээдүйн лидер гэгдэж байсан Ж.Сүхбаатар МАХН-ын удирдагчдын нэг болж буй бололтой. Тэрээр 2013 онд МАН-ын ЕНБДаргад өрсөлдөөд ялагдсаныхаа дараа : "Т.Бадамжунай гэгч авлигын загалмайлсан эцэг байсан цагт МАН өөдлөхгүй" гэж бичиж байсан юм.

 

Э.Мягмардорж 

 

 

 

Ж.Сүхбаатар :   

 

Өнгөрсөн сард Сөүлд Монгол Улсын Ерөнхийлөгч асан Н.Энхбаяртай амар мэндийг нь асуун уулзсан юм. Иргэнлэг хөгжлийн асуудлаар жаал философдсон, сонирхолтой харилцан ярилцлага өрнөсөн. Олон жилийн өмнө би цөөн боловч нүүр тулж уулзах боломж олдоход зөвөлгөө өгөхөөс гадна ихэвчлэн өөрт нь хандсан шүүмжлэлтэй санал бодлоо илэрхийлдэг байсан. Хаа очиж миний хэлснийг тэвчээд сонсдог байв. Хамгийн сүүлд 2 дугаар эмнэлэгт цагдан хяналт дор эмчлүүлж байх үе буюу 2012 оны намар уулзахад яриан дундуур чи та нар дандаа намайг бүхэнд буруутгах юм. Би үнэндээ энэ хууль шүүх ингэж ялзарсныг мэдээгүй...Би одооных шиг ажилд нь хутгалддаггүй байсныг та нар мэднэ биз дээ. Тэр үед сайн хэлэхгүй яасан юм Мөнх-оргил Одбаяр та нар гэж билээ. Хариуд нь би тээр доор бсан шүү дээ танд яаж үгээ хүргэх вэ гээд л өнгөрч байж билээ хэхэ smile emoticon...Үнэндээ би Энхбаяр даргын ойрын хүрээний багт байгаагүй гэдгээ л илэрхийлсэн хэрэг...Амьдрал үргэлжилсээр л...Адармаатай ээдрээтэй алдаа оноо дунд өөрийн хатаараа үзлээрээ "чанга" яваа хүн дээ...Миний хувьд тэвчээр хатуужил, тууштай эрэмгий далайцтай чанараас нь суралцмаар санагддаг...Нэгэнтээ ХонХэрээдийн Б.Энхбат мань хүний сайн муугийн талаар хэлэхдээ би энэ том хүнийг үнэлж дүгнэх хэмжээний хүн биш гэхдээ гээд ...Уул том байх тусмаа сүүдэр нь том байдаг гэж байсныг уншиж байснаа санаж байна. Би түүнтэй санал нэг...Алдаанаас ангид байгаагүй ч Хийсэн бүтээсэн зүйл Хэлэх үгтэй хүмүн...Улс төрийн өрсөлдөөн талаасаа Багабанди, Элбэгдорж Ерөнхийлөгч нартай "тулсан"...Хийж бүтээсэн талаасаа ч түүхэн бие хүн...Цаг хугацаа хамгийн мэргэн шүүгч...

 

Зарим хүмүүсийн мэдлэгт зориулав:

Улс төрийн хувьд "Урвалт" гэдэг бусдын итгэлийг хөсөрдүүлэх, өргөсөн тангараг, хүлээсэн үүрэг хариуцлагаас няцахыг хэлдэг...Хэн хэндээ итгээд хэнийг яагаад хулхидаад хэн нь дүрэм зарчим мөрдөхгүй, сахихгүй, үйл хэрэгтээ үнэнч зүтгэхгүй, үл тоогоод шударга бус хандаад байгаа билээ гэдэг асуултад хариулах хэрэгтэй болно ?

http://www.sonin.mn