Д.Мөнхжаргал: Намайг далд аргаар алах гэж байна
2015/11/03
Налайх дүүргийн II хорооны нутагт одоогоос хоёр жилийн өмнө буюу 2013 оны аравдугаар сарын 17-18-нд шилжих хүн амины ноцтой хэрэг гарсан. Уг хэрэгт А.Мэндбаяр гэгчийг холбогдуулан шалгаж шүүхээс түүнд 25 жилийн хорих ял оноосон юм. Харин талийгаачийн аав Д.Мөнхжаргал дахин хэвлэлийнхэнд хандсан юм.
Өмнө нь тэрбээр хэргийг хав дарах вий гэсэн хардлага аван олон нийтэд болсон хэргийн талаар мэдээлж байсан билээ. Тэгвэл энэ удаад өөрийг нь цагдаагийн байгууллага заналхийлж байна гэв.
Д.Мөнхжаргал "Хүүгээ алдсанаас хойш би хоёр жил гаруйн хугацаанд хэргийн үнэн зөвийг шийдэж өгөөч гэж цөхөртөл явж байна. Хэргийг цагдаагийнхан биш би илрүүлсэн юм. Яаж илрүүлсэн юм гэхээр хэрэг гарахаас нэг сарын өмнө миний хүүг алсан А.Мэндбаяр гэж хүн эцэгтэйгээ нийлээд хүүг маань заналхийлсэн байдаг юм. Миний хүүг хар тамхи зарж борлуулах сүлжээндээ оруулах шахалт үзүүлсэн. Тэгээд эсэргүүцсэнийхээ төлөө амиа алдсан. Мөн хэргийн газар дээрээс миний хүүтэй нийлээд дөрвөн хүний хурууны хээ олдсон байхад ганцхан хүнд ял оноосон. Нөгөө хоёр хүний хурууны хээ нь ямар хүнийх байсныг тодруулж өгөөч гэж би зөндөө өргөдөл, гомдол гаргасан. Гэтэл цагдаа, хуулийн байгууллага тоохгүй байгаа хэр нь намайг заналхийлж байна" гэлээ.
Мөн тэрбээр би энэ оны аравдугаар сарын 27-ны өдөр “Ийгл” телевизийн “Иргэний мэдээ” нэвтрүүлгээр орсон. Миний хүүг хөнөөхөд гурван хүн оролцсон гэдгийн тухайн үеийн цагдаагийн байгууллагын даргаар ажиллаж байсан хүн олон нийтэд мэдээлсэн хэр нь нэг л хүнд ял шийтгэл ногдуулсан. Нөгөө хоёр нь ямар хүн байсан нь одоо болтол тодорхойгүй байна. Би телевизийн нэвтрүүлэгт орохдоо энэ тухай ярьсан. Гэтэл аравдугаар сарын 28-ны өдөр ЦЕГ-ын ХМТ-өөс “Цагдаагийн байгууллагын ажилтан алба хаагчдын нэр хүндэд удаа даргаа халдаж, онц хүнд гэмт хэрэгт сэжиглэж байна. Энэ бүгдийг дотоод хяналт шалгалтын алба шалгана. Шалгаад батлагдахгүй бол энэ хүнд эрүүгийн хэрэг үүсгэнэ” гэсэн.
Тиймээс би тэвчихээ байгаад өнөөдөр олон нийтэд хандаж байгаа минь энэ. Миний хүүхдийг ил алсан. Гэтэл намайг далд аргаар алах гэж байна. Надаас хэн ч уучлал гуйгаагүй байгаа хэмээн сэтгүүчдэд мэдээлэл өглөө.
Энэ талаар Цагдаагийн ерөнхий газрын Хэвлэл мэдээллийн төвийн дарга, Цагдаагийн хошууч Б.Баатархүү “Иргэн Д.Мөнхжаргал хэвлэл мэдээллийн хэрэгслээр дамжуулан цагдаагийн байгууллагын ажилтнууд хууль зөрчсөн гэж мэдээлсэн. Тиймээс уг асуудлаар Цагдаагийн байгууллагын дотоод хяналт шалгалт, аюулгүй байдлын албанаас шалгалт хийгдэж байгаа. Одоогоор шалгалтын хариу гараагүй байна" гэсэн юм.
Х.Даваа
Зочин · 2015/11/04
Ene uvgun xen yum.
үнэнийг ... · 2015/11/03
яармагийн мөөнөө гэдэг дээрэмчин нүгэл нь нүдээрээ гарч байгаа нь энэ дээ.нэг их зовж шаналж буй эцгийн дүрд тоглох хэрэггүй дээ.өөрөө 90-ээд онд дүү нартайгаа нийлж москвад мөн ч олон аавын хүүхдүүдийг дээрэмдэж амьдралаар тоглосон.одоо хүртэл эд нарын нэг тэнэг гар нь москвад тэнэгтээд явж байсан.хүн өрөвдөөд байхаар олигтой амьтан ч биш.ингэж явсаар л дуусна.хүүгийнх нь тухайд тэнэг эцгээ дуурайсан бас овилгогүй амьтан байж байгаад дарамталдаг хүндээ алуулсан.дандаа дарамталж авгайг хүчинддэг байсан юм чинь хүн яаж тэсэх бэ дээ?бурхан гэж байдаг л юм байна.эхнээсээ хүүхдээ өөрийнхөө замаар явуулах хэрэггүй байсан.буруу эрхлэсэн хүүхэд бухын хүзүүнээс хэцүү
Зочин · 2015/11/03
Юун ч кино зохиол шиг амьдардгын.Яармагын Мөөнөө
zochin · 2015/11/03
naad muu 2 namiin gar hul bolson hurgan darga nar chin yu ch hiij magadgui shuu bolgoomjtoi baigairai.
Зочин · 2015/11/03
Zovj yavaa aav zovj yavaa er hun bna. Tand udahgvi az jargal irnee.
Зочин · 2015/11/03
naadah chini uuruu deeremchin