УИХ-ын гишүүн Р.Амаржаргал “УИХ-ын тухай” хуулийг үндэслэн өөрийн хүсэлтээр  УИХ-ын гишүүнээс чөлөөлөгдөх өргөдлийг  УИХ-ын даргад өгсөн билээ. Түүний энэхүү өргөдлийг хүлээн авах эсэхийг  намын бүлэг  улсын төсөв хэлэлцээд дуусах хүртэл хойшлуулаад байсан. Тэгвэл энэ асуудлыг  өнөөдөр АН-ын бүлгийн хуралдаан дээр хэлэлцсэн байна. Улмаар Р.Амаржаргалын УИХ-ын гишүүнээс татгалзах саналыг хүлээн авахгүй байхаар болжээ.  Тэд энэхүү байр сууриа  Төрийн байгуулалтын байнгын хороо болон  УИХ-ын нэгдсэн чуулган дээр баримтлах гэнэ.

Харин Р.Амаржаргалыг  УИХ-ын гишүүнээс чөлөөлөх асуудлыг  Төрийн байгуулалтын байнгын хороо,  УИХ-ын нэгдсэн чуулганаар хэлэлцэх юм.  

А.Баярмаа