lfklk241524JPG Нийтийн дууны салбарт өөрийн орон зайгаа бий болгож, үнэнч фэнүүдтэй болсон дуучин бол МУСТА Отгойн Баянмөнх юм. Эх орон, тусгаар тогтнол, монгол бөх, монгол наадам, монгол эр хүн, нутаг ус, ээжийн тухай олон сайхан уран бүтээлээрээ ард түмэндээ хүндлэгдсэн түүнийг өөрөө дуу зохиодог гэдгийг уншигч та өмнө нь дуулаагүй байсан болов уу.

Тэгвэл эрхэм дуучин сүүлийн үед ая зохиох шинэ авьяасаа нээж, нийтийн дууны салбарт шинэ өнгө төрхтэйгээр уран бүтээлээ туурвиж эхэллээ. Саяхан тэрбээр дэлхийн дайдад ажиллаж амьдарч байгаа монголчууддаа зориулж яруу найрагч Ч.Алтантүлхүүрийн үг “Үргэлж Монголтойгоо” хэмээх сайхан шүлэгт, өөрөө ая зохиож, шинэ уран бүтээлээ өлгийдөж авчээ. Тэрчлэн шинэ клипнийхээ зураг авалтыг нийтийн дууны сүүлийн үеийн өнгийг тодорхойлж буй FACE студитэй хамтран “Шанхай” хотод хийсэн гэх мэдээлэл байна.

Ер нь бол энэхүү шинэ уран бүтээлдээ чамгүй их хөрөнгө зарсан сурагтай. Уг клипнийх нь ивээн тэтгэгчээр “Хөвсгөл нэг үе клуб” хамтран ажилласан юм байна.