Хотын дарга Х.Нямбаатарын бие нэлээдгүй чилээрхэх болсон тул эрүүл мэндийн шалтгаанаар ажлаа өгч магадгүй гэсэн мэдээлэл зарим нэг хэвлэл мэдээллийн сайтаар өнөөдрөөс тарж эхэлсэн. 

Тэгвэл энэ мэдээлэл нь ТАШАА болохыг НЗДТГ-ын холбогдох эх сурвалж мэдээллэв. "Энэ бол ташаа мэдээлэл. Хотын дарга Х.Нямбаатарын биеийн байдал сайн, эрүүл мэнд хэвийн, ажил үүргээ гүйцэтгэж байгаа. Тэрбээр нийслэлийн удирдах ажилтнуудын группэд тодорхой ажлын үүрэг чиглэлүүдийг өгч ажиллаж байгаа" гэж НЗДТГ-аас мэдээлсэн юм.

Энэ долоо хоногийн сүүлээр МАН-ын Их хурал болно. “Их хуралтай холбоотойгоор хотын даргыг эрүүл мэндийн шалтгаанаар ажлаа өгч магадгүй” зэргээр ташаа мэдээлэл зориуд тараасан байж болзошгүй хэмээн тэд үзэж байгаагаа хэлжээ.