Нийслэлчүүдийг бухимдлаас салгахыг хүсвэл сургуулиудыг нүүлгэ
2017/01/10
Хүн өсөхийн хэрээр автомашины тоо нэмэгдсээр л байх болно. Дугаараар нь хязгаарлаад ч амжилт олохгүй л гэсэн үг. Тэгвэл ойрын үед замын ачаалал харьцангуй бага, өглөө, оройдоо нэг их удаан түгжрэлгүйгээр зорьсон газартаа хүрчихээд байна.
Үүний шалтгаан нь ерөнхий боловсролын сургууль амарсантай л холбоотой. Зун оюутан сурагчид амарч, наадамчид орон нутгийг зорих үеэр Улаанбаатар эзэнгүй ч юм шиг болчихдог тал бий. Эндээс нэг л зүйл тун тодорхой ойлгогдож байгаа биз. Түгжрэлийг шийдвэрлэхийн тулд автомашины дугаарыг хязгаарлаж, замаа өргөсгөх бус харин сургуулиудыг хотоос нүүлгэх нь зөв гарц гэж харагдаад байгаа юм. Өнөөдөр Улаанбаатар хотод хэчнээн өрх оюутнаа дагаж нүүж орж ирж байгаа бол. Тэр бүгд хотоос нүүхээр утаа ч тэр хэмжээгээр багасах болов уу гэж бодогдож байна.
Ер нь манайх шиг нэг хонхортоо шавчихсан метро хот гэж хаана ч үгүй. Хот бүр өөрийн дагуул хоттой. Тэр дагуул хотод их, дээд сургууль, томоохон аж үйлдвэрүүд нь оршдог. Ингэж л олонхийн бөөгнөрөл, ачааллаас салдаг байх юм.
Гэтэл манайд эсрэгээрээ хотынхоо төв их дээд сургуулиуд нь бөөгнөрч, үүнээс үүдэлтэй түгжрэлд бид цаг алдан бухимдацгааж байна. 100 айл, Баянбүрд, Гандан, Зурагт орчмоор нийтийн болоод түрээсийн хашаа байшингууд маш их байдаг. Энэ түрээсийн байшингуудад орон нутгаас ирсэн оюутнууд л амьдарч байна. Хүн амьдарч байгаа даарахгүйн тулд гал түлнэ. Гал түлж байгаа учраас утаа гарна. Гарсан утаанд нь хахаж цацаад л амьдарч байна.
Тэгэхээр нийслэлчүүдийн толгойны өвчин болсон түгжрэл, агаарын бохирдол гэх хоёр асуудлыг их дээд сургуулиудыг хотоос нүүлгэснээр л шийдэж болохоор харагдаж байна. Налайх, Бага-Хангай, Багануур зэрэг хотуудыг их дээд сургуулийн хот болгож, хөгжүүлэх боломж ч давхар харагдаж байна шүү дээ. Хийгдсэн судалгаа, яригдсан асуудал, төлөвлөгөө зэрэг нь цаасан дээр бий. Түүнийгээ л ажил хэрэг болгомоор байх юм. Асар их мөнгө яригдах байх л даа. Гэхдээ л цаг хугацаа алдах бүр Улаанбаатар хот чинь багтаж ядан юу юугүй л задарчих гээд байна шүү дээ.
Үндэстэн агентлаг
зөв · 2017/01/10
зөв шийдюэр санал болгосон байна ер иргэд утаанаас түгжрэлээс УЛААНБААТАРТ ыг утааг байхгүй болгъя ++ машины түгжрэлийг байхгүй болгое гэвэл --- их дээд сургуулиудыг хотоос зайдуу бага нуур бага ханай налайхруу нүүлгэж сууришуулах зайлшгүй шаардлагатай дээрх ноёдууд түшмэлүүд маш зөв шийдвэр гаргаж байгаад иргэд бид дэмжиж баярлаж байна
иргэн · 2017/01/10
Юун оюутнууд руу ороод байнаа.Гэмгүй муусайн оюутнууд.Төр гэр хорооллоо цэгцлэх цаг нь болсон.Алийн болгон нүүдлийн монголчуудын амьдралаар амьдрах юм бэ.Гэр хорооллын айл өрхийг ядаж байшинд амьдруулаач.Идэж ууж өөрсдийнхөө кармаг түнтийлгэж байхаар.Үйлдвэр бариач ажилгүйдлийг бодитойгоор бууруулаач.аэжлын байр бий болгооч.Ард иргэдээ гадагш нь гаргаж үйлдвэр оруулж ирэх бодлого явуулаач.
Зочин · 2017/01/10
сургуулийг биш ветьнам засваруудийг гаргах хэрэгтэй бишүү шөнөжингөө хорт утаа гаргаад л засвар хийдэг биз дэ
MGL · 2017/01/10
яг зөв