Эрүүл мэндийн яамнаас өнөөдрийн /2020.11.14/ 11:00 цагийн ээлжит мэдээллээ өглөө. Манай улсад коронавирусийн батлагдсан тохиолдол 416 болоод байна. 450 гаруй эмч мэргэжилтнүүд 24 цагаар ажиллаж байна. 

А.Амбасэлмаа: 11 сарын 13-нд 820 хүнд шинжилгээ хийснээс 3 хүнд коронавирусийн халдвар илэрсэн. Ингэснээр нийт батлагдсан тохиолдлын тоо 416 боллоо. Улаанбаатар хотод бүртгэгдсэн голомтод батлагдсан тохиолдол 7 боллоо. 

Тэрбээр "Гурван хүнд коронавирусийн халдвар илэрч, 817 хүнээс илрээгүй. Гурван батлагдсан тохиолдлын нэг нь 4 настай хүүхэд байсан бол хоёр нь ажиглалтад хянагдаж байгаа хоёр эмч байна" гэлээ.

 Мөн

• Арваннэгдүгээр сарын 2-нд Суданаас тусгай үүргийн нислэгээр ирсэн 120 хүний давтан шинжилгээ 
• Тусгаарлах байранд байгаа гурван хүн
• Тандалтын 22 шинжилгээ
• Орхон аймгийн 3 иргэн
• Батлан хамгаалахын 64
• ХӨСҮТ-ийн 45 эмч ажилтанд шинжилгээ хийхэд коронавирус ИЛРЭЭГҮЙ.

Батлагдсан тохиолдлын ойрын хавьтал болох 140 хүний шинжилгээнээс нэг хүнд халдвар илэрсэн.  

Хоёрдогч хавьтал болох 2,775 хүнд шинжилгээ хийснээс 644 хүнийх нь хариу гараад байна. Эдгээр хариу бүгд СӨРӨГ гарсан. 

Сэлэнгэ аймагт шуурхай баг ажиллаж байна.

Тус аймагийн батлагдсан тохиолдлуудын ойрын хавьтал болох 150 хүнд шинжилгээ хийхэд 103 хүний шинжилгээний хариу гарсан бөгөөд СӨРӨГ байна. 

Дархан-Уул аймагт 136 хүнд шинжилгээ хийхэд бүгд СӨРӨГ гарсан. 

Монгол Улсад батлагдсан нийт тохиолдол 416 болсноос эдгэрсэн 328 хүн байна.

Өнөөдөр ХӨСҮТ-ээс 11 хүн эдгэрэн гарч, ажиглалт руу шилжсэн. 

ХӨСҮТ-д 83 хүн эмчлэгдэж, нэг хүн хүнд, 16 хүн хүндэвтэр, 66 хүн хөнгөн байна.