Нийслэлийн Иргэдийн Төлөөлөгчдийн ээлжит хуралдаан өнөөдөр Яармаг дахь Хангарди ордонд хуралдаж байна. 

Өнөөдрийн хуралдаанд хотын дарга Х.Нямбаатар Улаанбаатар хотод хэрэгжүүлж буй 16 мега төслийн хэрэгжилтийн явцыг танилцууллаа. Энэ үеэр Туулын хурдны зам төслийн нөхцөл байдлын талаар мэдээлэл өгөв. 

Тэрбээр "Туулын хурдны зам төслийн гүйцэтгэгч нь шалгараад урьдчилгаагаа авчихсан. Кэмп байгуулаад инженерийн бэлтгэл ажлууд бүгд хийчихсэн.

Энэ ажлыг зогсоосон байдалтай байна. Засгийн газраас 2026 оны дөрөвдүгээр сарын 22-ны өдөр зогсоож, хууль хяналтын байгууллага шалга гэдэг чиглэл өгсөн. Одоогийн байдлаар хууль хяналтын байгууллага шалгаж байгаа. 

Байгаль орчны нарийвчилсан үнэлгээг шалгасан. Худалдан авах ажиллагаатай холбоотой процессыг Сангийн яамнаас шалгалтын ажил оруулаад дүгнэлтээ Авлигатай тэмцэх газартай нэгтгэж танилцуулахаар явж байгаа гэсэн мэдээлэл авсан.

Бид бүх бооцоогоо хоёр жилийн хугацаанд Туулын хурдны зам дээр тавьсан. Хоёр жилийн хугацаанд санхүүжүүлээд гараас гаргачихвал EPC нөхцөлтэй төслүүдийнхээ эргэн төлөлтийг 15 жилийн хугацаанд өөрөө төлөхөөр төлөвлөсөн" гэв.

видео: