Монголын сайхан бүсгүй 2002 наадмын Алтан эрдэнийн титмийг зүүх хувьтай төрсөн мисс Д.Уянгалянхуа миссээс гадна “Овжин охид” кинонд тоглосоноор олны танил болсон билээ.

Нэг хэсэг мөн л сайхан бүсгүйчүүдийн нэгэн адилаар хэл амны бай болдог байсан тэрээр Макс группийн захирал Ганбаатартай хуримаа хийснээр нам жим амьдралтай, сайн гэргий болсон.

Харин саяхан Америкийн алдарт брэнд S.T John-ийг сурталчилсан зургаа интернэтээр цацсан билээ. Түүний “Мax Mall” Их дэлгүүрийн хоёрдугаар давхарт байрлах Max Fashion дэлгүүр саяхнаас S.T John брэндийг оруулж ирэх болсон байна. Классик бөгөөд чанарлаг хувцсыг дээдсийн хүрээний бүсгүйчүүдэд зориулж үйлдвэрлэдэг уг брэнд нь америктаа бол хэдийнэ танигдсан боловч монголчуудын хувьд тийм ч сайн мэдэхгүй. Энэ утгаараа мисс Д.Уянгалянхуа өөрийн компанийн оруулж ирдэг брэндийг өөрийн биеэр сурталчилахаар шийдэн олон жилийн дараа анх удаа моделийнхоо ажлыг хийжээ.

Гурвын гурван хүүхэд төрүүлсэн гэхэд гоолиг сайхнаараа байгаа түүнийг сүүлийн үед хэвлэлээр дөрөв дэх хүүхдээ төрүүлэхээр зэхэж байна гэх утгатай зүйл бичих болсон. Тэгвэл Д.Уянгалянхуа бие давхар биш гэдгээ баталж ийнхүү патераа татуулсан байна. 

Ингээд нэг хэсэг сураг алдарсан мисс бүсгүй сурталчилгааны зургаар өөрийн бизнесээ сурталчилан дахин хэвлэлийн хуудаснаа эргэн ирлээ.